Sarnarisch güet!
Talent, Ausdaur und große Wertschätzing fi di oltn Traditiounin – aussn sem mochn mir Sarnar gonz bsundre Produkte.
Bekonnt sein mir als fleißige Baien net lei weignin Heine, öbr a weign Speck und Kas fi gsunte Viechr. Gonz epis Extrans isch di Tschugglat fin Oberhöller, di selbrgmochtn Strietzl, di Goggilar fi ar Sarnar Henn, dr Speck fin Nochbr und nöü viel mehr. Bis gsponnt.
Net lai fr Hotelgäst. Mehr drfrogsche dou.
SARNAR NÖCKN REZEPT
Nöckn mit Speck-Kraut Soulit
DER Sarnar Klassiker nouchn Rezept fi insrdr Chefin Renate
Zuetotn fr 4 Leit
Fr di Nöckn:
500g Wozis Mehl
4 Goggilar
150g Bauchspeck
20g Schnittle
1 EL El
awie Wosser ödr a Milch
Solz
30g Schmolz
Frn Speck-Kraut-Soulit:
1 klon Weißkohl
100g Bauchspeck
1 Messerspitz Kiem
Olivnel und Esse zin oumochn
Weißkohl fein schneidn und in ar Schissl af dr Seit tien.
Die 150g Bauchspeck klo wirfln und in ar großn Schissl mitn Mehl, Goggilar, Schnittle, Solz und El mischn. Die Masse zi an eher festn Tog rihrn, wennar zi fest isch, konn man awie Milch ödr Wossr zuieriehrn.
Ietz in an großn Töpf a Wosser zin Köchen bringin, awie solzn.
Mit an Leffl die Nöckn ausstechen und in köchitn Wossr schepfn, 8 Minutn köchln lossn.
TIPP: in Leffel olm wieder in hoßn Wossr tauchn, sodass dr Tog net festkleb. Und ko Ongst; wenn die Nöckn net „schie“ ausschaugn, dei ghern asöi ;)Inzwischn die 100g gwirfltn Bauchspeck frn Weißkohl in ar klon Pfonn schmelzn und donn ibrn Kohl gießen. El, Esse und Kiem drzuetien.
In ar klon Schmelzpfonn is Schmolz leicht braun wern lossn.
Ourichtn, und s Schmolz ibr die Nöckn gießen.
Die Nöckn mit Speck-Kraut Soulit sein ferte – Molzeit!
